Ku ruhet dhe kush e posedon librin e shenjtë të Islamit?
Jordanezi Ibrahim Ahmed Nevwar ruan kopjen më të vogël të Kur’anit në Muzeun e Trashëgimisë Kombëtare, të cilin e themeloi vetë.
Kopja më e vogël e Kur’anit tërheq vëmendjen e besimtarëve si dhe të dashamirëve të lashtësisë, trashëgimisë kulturore dhe koleksioneve.
Dashuria për mbledhjen dhe ruajtjen e objekteve që përfaqësojnë vlerën e trashëgimisë kulturore e bëri Nevwar, 62 vjeç, të themelonte një muze modest, por sigurisht të pasur me të mira kulturore.
Nevwar tha se muzeu i vogël që ai themeloi përfshin 25,000 objekte me vlerë kulturore në qytetin e Al-Salt dhe historia e tyre daton në fillim të shekullit të 20-të.
Nevwar nxori nga një kuti e vogël dhe më pas i tregoi një gazetari një kopje shumë të vogël të Kur’anit me një kopertinë jeshile.
“Kur’ani më i vogël në botë është në muzeun tonë. Është 2.5 centimetra e gjatë dhe 1.5 centimetra e gjerë”, thotë ai.
Duke thënë se kopja më e vogël e njohur më parë e Kuranit ishte 1.75 centimetra e gjerë dhe 2.5 centimetra e gjatë, Nevwar theksoi se kopja e Kur’anit në muzeun e tij është ende më e vogël.
“Histori për më shumë se njëqind vjet”
Nevwar gjithashtu shtoi se data e shtypjes së kopjes së Kur’anit nuk ishte e shkruar dhe tha se faqet ishin të numëruara me kujdes dhe të zbukuruara me ornamente të bukura.
“Mus’haf-i (Kur’ani) shtypej në letra të holla dhe shumë të vogla me shkronja sa më të vogla. Ajetet kuranore mund të lexohen vetëm me ndihmën e lupës”, shpjegoi ai.
Nevwar gjithashtu zbuloi se ai e mori Kur’anin nga një prej banorëve të qytetit në vitin 1980, se personi është ende gjallë sot dhe se ai e ka trashëguar Kur’anin nga babai i tij.
Duke shtuar gjithashtu se shumë tekste janë shkruar për këtë Kur’an në vitet 1980, Nevwar tha: “Ekspertët thonë se kopja është shtypur që nga fillimi i shekullit të 20-të. Unë mendoj se ky Kur’an ka një histori prej më shumë se njëqind vjetësh. Ata që e njohin historinë e letrës konfirmojnë se letra është e cilësisë së lartë, si dhe prodhimi dhe printimi janë gjithashtu të përgatitur artistikisht. Zejtarët thonë se mund të jetë shtypur nga turqit ose iranianët.” /tesheshi.com/
